දොඩන්දූවේ සිට ධාතුවංසය කියවා සේරුවිල ලලාට ධාතු ස්තූපය පිළිබඳ දැන එම පින්බිම සොයා යලි ගොඩනැගීමට අධිෂ්ඨාන කරනා විට උන්වහන්සේගේ වයස අවුරුදු 29කි. 1931 දී භික්ෂු ලියාපදිංචිය අරඹන විට ත්‍රිකුණාමලය ප්‍රදේශයේ වැඩසිටි එකම බෞද්ධ භික්ෂූන් වහන්සේ උන්වහන්සේ බව අතීත වාර්තාවන්හි කියැවේ.
1892 දෙසැම්බර් 09 වන දින ඔලොක්කුවේ පටබැඳිගේ නොනච්චෝහාමි මෑණියන්ට සහ මාවැල්ලේ රත්නවීර පටබැඳිගේ දොන් මෙන්දියස් පියාණන්ට දාව රත්නවීර පටබැඳිගේ දොන් නිකුලස් නමින් දකුණු පළාතේ මාතර දිස්ත්‍රික්කයේ දඹගස්ආර නම් රමණීය ගම්පියසෙහි උපන් අප කුලකුමරුවා දොළොස්වස් සපිරෙන විට 1904 දී පූජ්‍ය දෙවිනුවර ධම්මරතන නාහිමියන්ගේ සහ දොඩන්දූවේ සිරි පියරතන මහානායක මාහිමිපාණන් වහන්සේගේ ආචාර්ය උපාධ්‍යායත්වයෙන් ‘දඹගස්ආරේ සුමේධංකර’ නමින් දසසීල සංඛ්‍යාත උතුම් පැවිදි බිමට පත් විය…..